Òganization Miss Haiti achte yon lòt Franchiz

7 avril 2016 ki sot pase a, Òganizasyon Miss Haiti fè konnen sou paj Facebook li a ke l achte yon lòt franchiz.

Photo: Promociones Gloria

“Nou kontan anonse ke nou remete Reina Hispanoamericana nan lis fanchiz nou yo.  Se Promociones Gloria ki òganize konkou sa a ki gen katye jeneral li nan peyi Bolivi.  Plis pase 20 patisipant ale nan konkou sa a chak ane.

Kounye a, moun ki Reina Hispanoamericana ase Sofia del Prado Prieta ki sòti nan peyi Espay. Yo te kourone l le 24 oktòb 2015.”

Depi Reina Hispanoamericana te kreye an 1991, Ayiti patisipe ladan l kat fwa e li toujou gen yon klasman oswa yon pri.  Youn nan pi bèl pèfòmans peyi a se nan ane 2012 kote Sarodj Bertin te kourone “Reina Hispanoamericana 2012.”

Ak nouvo konkou sa a ki vin retounen sou kont li,  òganizasyon Miss Haiti a ap bezwen pi plis toujou planifye epi ògazi konpetisyon yo bonè bonè nan ane a dekwa pou l ka jwen epi prepare pi bon ayisiyèn pou al reprezante nou nan konkou Miss Mond (Miss World),  Miss Entènasyonal (Miss International), Miss Glòb (Miss Globe) e latriye…