Viergeline Jean, Miss Charity Queen of One Power International Haiti 2015

Nou te vle sa, nou te swete wè sa, ebyen men li : Viergeline Jean, youn nan Top model ayisiyen ke nou pi renmen wè yo ap patisipe nan peyi Tawain nan konkou bote ki rele Miss Charity Queen of One Power International. Konkou bote sa a se premye fwa ke li ap fèt. Soti 16 novanm pou rive 30 novanm, l ap reyini plis pase 50 medam.

Viergeline Jean - Foto: Vogue Mexico

Viergeline Jean - Foto: Vogue Mexico

Viergeline Jean se yon jèn fi vil Jakmèl ki mezire 6’10’’ nan wotè. Pou ane 2015 la, Top Model sa a se imaj alafwa Afro-K Junior ak Maison Anne Marie Desvarieux, de konpayi ki spesyalize nan zafè mòd. Li defile nan anpil defile mòd nan peyi etranje. Mwa pase a, pou Dominicana Moda 2015 la ki te fèt nan peyi Dominicani, li te defile pou  Jean-Paul Gaultier, yon gwo designer fransè.

Nan zafè konkou bote, Viergeline deja patisipe nan anpil konkou ki fèt nan peyi d’Ayiti sitou sa ki fet nan vil Jakmel. Menm si l pa gen eksperyans nan konkou bote entènasyonal, nou rete kwè ke gras a bote li ak karism li, Miss Charity Queen of One Power International Haiti 2015 la ap pote bon nouvèl.